DK.SHEIN AITAKA SUZA KUELEKEZA MIKAKATI YAKE KWA MAENDELEO YA NCHI

Rais wa Zanzibar, Dk. Ali Mohamed Shein ameutaka uongozi wa Chuo Kikuu cha Taifa cha Zanzibar (SUZA) kuhakikisha kuwa upanuzi wa mitaala, ufundishaji na tafiti zinazofanywa na chuo hicho zinaelekezwa katika kutoa michango na rai zitakazochangia na kurahisisha utekelezaji wa mipango ya maendeleo ya nchi.

 

Akizungumza wakati wa mahafali ya tisa ya Chuo Kikuu hicho yaliyofanyika jana huko Tunguu, mara baada ya kuwatunuku vyeti, stashahada na shahada wahitimu 763, Dk. Shein amesema ni jukumu la vyuo vikuu hasa vya serikali kutoa taaluma inayolenga kurahisisha utekelezaji wa mipango ya maendeleo taifa na jamii kwa ujumla.

 

Alisema zitihada zinazofanywa na chuo za kukuza elimu zitakuwa na manufaa zaidi endapo elimu itakayotolewa italiongoza Taifa na itatumika kurahisisha maisha na kuimarisha maendeleo kwa kusaidia utekelezaji wa Dira ya Maendeleo 2020, MKUZA II, Malengo ya Milenia na Ilani ya Uchaguzi ya CCM.

SOMA ZAIDI