MBUNGE PINDI CHANA AKABIDHI FEDHA ZAIDI YA MILLIONI MOJA NA VIFAA KWA VIONGOZI WA UWT WILAYANI MAKETE

Mbunge wa viti maalum Mkoa wa Njombe na mjumbe wa NEC Taifa Bi.Pindi Chana ametoa kiasi cha sh.milioni moja laki 4,majembe,vitenge pamoja na karenda kwa viongozi wa UWT Wilaya ya Makete kwa lengo la kuwaendeleza akina mama wa Makete kiuchumi.

Akizungumza na baraza UWT Wilaya ya Makete Bi.Pindi Chana amesema akina mama wananafasi kubwa  ya  kuleta  maendeleo katika jamii na hivyo kama  Taifa litaelekeza nguvu kwa akina  mama umasikini unaweza kufika kikomo.

Kwa upande wake Katibu wa UWT Wilaya ya  Makete Bi.Safi Almasi amevitaja vitu vilivyotolewa kuwa ni pamoja na fedha zilizo tolewa  na Bi.Chana na kuongeza kuwa kiongozi huyo amekuwa ni mfano wa  kuigwa hapa nchini na wilayani Makete

Katika baraza hilo pia kulihudhuliwa  na mjumbe wa Chama Cha Mapinduzi (w)Bw.Ona Sukunala Nkwama ambaye pia amemshukuru Mh.Pindi Chana kwa kuwajali wanawake nchini ikiwa  ni pamoja na  kuwatembelea katika wilaya ya Makete