WANANCHI IHANGA WAAMUA KUTENGENEZA BARABARA ZA MITAA

Wananchi wa kijiji cha Ihanga kata ya Ukwama wilayani Makete wameamua kutengeneza barabara za mitaa ili kurahisisha tatizo la mawasiliano ktk miundombinu

Kijiji hicho chenye zaidi ya wakazi 500 tokea kuanza kwake hakijawahi kuwa na barabara za mitaa hivyo wameamua kuanza usembuaji wa barabara hizo,wazo hilo lilikuja mara baada ya kuona kupata shida linapotokea tatizo la msiba wakati wa kwenda mazikoni ndipo waliamua watengeneze barabara ili ziwarahishie kupita

Kitulo imezungumza na Afisa Mtendaji wa kijiji hicho Bw.Bensony Mbilinyi ameelezea changamoto iliyokuwepo baada ya kutokuwa na miundombinu ya barabara hizo hivyo amewaomba wananchi kujitokeza kwa wingi pindi wanapotangaza siku na muda wa kwenda kushirikiana ktk kazi hiyo

Kijiji hicho chenye jumla ya vitongoji 6 kimeonekana kuwa na ushirikiano mkubwa kati ya kitongoji na kitongoji hata hivyo kila kitongoji wanasembua barabara kutoka kitongoji chao hadi kufikia kitongoji kingine 

 Na Furahisha Nundu