UHABA WA MAJI MAKETE KUTOKOMEZWA

Picha na Maktaba,Habari na Fadhili Lunati

Utekelezaji wa miradi ya usambazaji wa maji makete mjini kata ya Iwawa wilayani Makete Mkoani Njombe unaendelea vizuri hadi hivi sasa

Taarifa hiyo imetolewa mapema leo na Meneja wa Mamlaka ya maji Makete mjini Bw.Yonas Ndomba kwa waandishi wa habari ambapo ameeleza kuwa hadi kufikia sasa miradi hiyo imetekelezwa kwa kiasi kikubwa hadi kufikia asilimia 90

Bw.Ndomba amesema kuwa usambazaji wa maji hayo itawasaidia sana wakazi wa Makete mjini kwani hata wale waliokuwa wanalalamika kutopata huduma ya maji kwa mda wote hivi sasa tatizo hilo linapungua

Pia amewaomba wakazi wa Makete mjini wanaotumia huduma ya maji na kwa kila mmoja mmoja kutoa taarifa katika mamlaka husika pindi wanapokuwa wamebaini eneo lolote ambalo Bomba la kupitisha maji limepasuka kutoa taarifa mapema ili eneo hilo liweze kudhibitiwa mapema na kupunguza adha ya upatikanaji wa maji

Bw.Ndomba amewataka wateja wa maji kulipia bili zao kwa wakati kwani bili huwa zinatolewa mapema wakifanya hivyo basi watajiepusha na usumbufu ambao huenda ukajitokeza