SHULE YA SEKONDARI MAKETE GIRL'S KUFUNGULIWA HIVI KARIBUNI

Na Furahisha Nundu

Shule ya sekondari Makete Gil’s iliyopo katika kijiji cha Utweve kata ya Ukwama wilayani Makete Mkoani Njombe inategemea kupokea wanafunzi 40 ndani ya mwaka huu ili waanze masomo kwa muhula wa mwaka 2014

Shule ya Makete Girl’s inajumla ya majengo 7 yaliyo katika hali nzuri yamekamilika tayari kwa wanafunzi kuanza kuyatumia mda wowote ndani ya mwaka huu

 Kinana alipotembelea shule hiyo na kujionea mazingira yalivyo 

Haya ni baadhi ya madarasa ambayo wanafunzi watakuwa wakinolewa kimasomo humo 

Maandalizi ya msingi wa nyumba kwa ajili ya ujenzi wa Hostel

Akizungumza na Kitulo fm Afisa Mtendaji wa kijiji cha Utweve Bw.Method Sanga amesema kuwa shule hiyo inanyumba 1 ya kuishi mwalimu huku nyumba moja iko kwenye ukuta ikiendelea kujenga kwa ajili ya kuishi mwalimu mwingine

Amesema kuwa mahitaji ya msingi kwa wanafunzi ikiwemo vitanda,viti,meza,vitabu na vinginevyo vipo tayari katika mazingira ya shule hiyo kinachosubiliwa tu ni kupewa vyeti vya usajili kutoka kwenye mamlaka husika na amesema kuwa anasubiri kutoka kwa Mkuu wa Wilaya ya Makete Bi.Josehine Matiro

Amesema majengo hayo 7 yamegawanywa ambapo majengo mawili yatatumika kama mabweni ya kulala wanafunzi,Jengo moja itakuwa maktaba,jingo lingine litakuwa Maabara,jingo lingine litakuwa ofisi ya walimu na majengo mawili ndiyo yatakayotumika kwa ajili ya vyumba vya madarasa

Akielezea kuhusu huduma za Afya kwa wanafunzi watakaokuwepo katika mazingira ya shule hiyo kwani kijiji hicho hakina zahanati mpaka sasa amesema kuwa huduma hizo watakuwa wakizipata katika Kituo cha Afya Ukwama ambapo ni takribani kilomita 2

Pia amesema kuwa Shule hiyo pindi itakapokuwa imekamilika itapokea wanafunzi kutoka katika shule mbalimbali za sekondari zilizopo wilayani kama itawezekana kuanza masomo ndani ya mwaka huu