SHULE YA MSINGI NDULAMO MAKETE MATATIZO KIBAO

Shule ya msingi Ndulamo iliyopo katika Kijiji cha Ndulamo Kata ya Iwawa wilayani Makete Mkoani Njombe inakabiliwa na tatizo la uhaba wa vyumba vya madarasa

Darasa moja hutumiwa na zaidi ya wanafunzi 94-100 jambo ambalo husababisha msongamano kwa Wanafunzi katika darasa moja ambapo serikali imeombwa msaada wa kuongeza majengo ili kuendana na idadi ya wanafunzi waliopo shuleni hapo

Hayo yamesemwa na Mwl. Mkuu wa shule ya Msingi Ndulamo Bw.Godigodi Malangalila alipokuwa akizungumza na kitulo fm na kubainisha kuwa vyumba vya madarasa vilivyopo haviendani na idadi ya wanafunzi shuleni hapo na kusema kuwa wakati mwingine hulazimika kuwaambia wanafunzi watoe masweta kutokana na hali nzito ya hewa pindi wawapo Darasani 

Mbali na tatizo hilo amesema bado kuna tatizo la uhaba wa walimu ambapo hadi sasa shule hiyo ina jumla ya walimu 14 tu na kuongeza kuwa masomo ambayo yana upungufu sana wa walimu ni somo la hisabati,kiingereza pamoja na sayansi katika 

Pia Mwl.Godogodi ameongeza kuwa shule ya msingi Ndulamo ina tatizo kubwa la watoto yatima mpaka sasa shule hiyo ina jumla ya watoto yatima 111 na kupongeza juhudi zinazoendelea kufanywa na wananchi wa kijiji cha Ndulamo ambao wana mfuko maalumu kwa ajili ya kuwasaidia watoto yatima katika kijiji hicho na kuomba watu wenye moyo wa kusaidia wawasidie watoto hao kwa msaada wowote hasa mahitaji ya shuleni ili kuwasaidia watoto hao kuendelea na masomo.